توصل ولاتوصل!!!

11:20 AM | Posted by حياة في حقيبة امرأه

حاولت من جلسة الصباح وانا افتح البلوغر بس ضعف الاتصال او لربما شارفت البطاقة على الانتهاء
باءت محاولاتي بالفشل ...
والان لما فتح البلوغر ... ماذكر شنو كنت بكتب شنو كنت بقول وعن ايش ...

نتعب واحنا نحاول نوصل لشيء ولما نوصله ونحصل عليه
ننسى ليش كنا نبي نوصله ..او نكون تعبنا وتعب كبريائنا في سبيل الحصول عليه وطو ما احنا حاصلين عليه نتذكر
بأنه اتعبنا واتعب كبريائنا .. حتى قدرنا نحصل عليه في احساس بالذل مصاحبه في كل مره نشوفه فيه
..
وبعض الاحيان وكثير ممعاي بحياتي

اتعب واخطط واكون عارفه هدفي واتعب في سبيل الحصول عليه واجتهد
ولما اوصله ومايكون بيني وبينه شي ...ماقدر احصل عليه
ماعرف ليش ؟؟ كأنه في حاجز بيني وبينه..

او بعض الاحيان اوصل لنقطه بعد جهدا جهيد قريبه من الحصول على الشيء بس ماحصل عليه
مثلا اخذ نسبه عاليه جدا في الثانويه 95% بس ماقبل في الجامعه
اقدم على وظيفه ويكون نجاح مبني على درجة معينه في الاختبار واوصل لدرجة اقل منها بدرجتين فقط
اقدم على وظيفة اخرى وعندي مؤهلات العصر مثل الحاسب وانجليزي وواسطه من قبل صاحب الشركة
وعمل مقابله ويوعدوني بالوضيفه
واخر شي هذا وجه الضيف ماشوف لاحس ولا خبر
احب شخص يناسبني واناسبه وعائلتنا متناسبه
وفي كل المواصفات الي احبها ولما يجي وقت الزواج
مايكتب لنا القدر نجتمع
...
 و شخص معجب وعاجبني  ومتناسبنين ومن مذهب واحد
بس عائلته من طبقه المخمليه
وشخص اخر معجب يبيني وفي اشياء حلوه موموجوده عند كل الرجال لو شخصياتنا مختلفه
اهله  عارفيني وموافقين علي زوجة له ..بس مذاهبنا مختلفه

موجد قهر هذا الي قاعد يصير لي
اوصل لشيء بس ماملكه

Read Users' Comments (4)

4 Response to "توصل ولاتوصل!!!"

  1. Fantaseyah, on November 18, 2009 at 12:07 PM said:

    توني اكتشف مدونتج ... مدونه حلوة :)

    ايييي هالشغله واايد تصير معاي .. مرات ابلش كتابة البوست وبعدين يفصل النت وانسى كل الي كتبته ومادري شلون ارجع اكتب :(

    بكمل جولتي بمدونتج :)
    مشكووورة

  2. حياة في حقيبة امرأه, on November 18, 2009 at 9:07 PM said:

    هلا والله فانتازيا

    اانا بعض الاحيان تقفل الصفحه بالغلط او بسبب مشكلة في الجهاز بس لما ارجع للبلوغر مره ثانيه عشان ارجع اكتب من جديد
    اشوفه حافظ الجزء الي من عنده قفل
    وانا الاحظ ان كل ماكتب جزء واوقف شوي اشوفه يعمل save draft

    مشكوره على الكوميت وانا انتظر تعليقج على كامل مدونتي :)
    واذا عندج اقتراح لاتترددين

  3. Mona AL Marri, on November 19, 2009 at 12:23 AM said:

    معاك حق..
    اشياء تكون قاب قوسين منا او ادنى..
    وفجأة..
    لا شيء..!

    لكن من يدري..

    لعلها خيرة..


    ..

    مدونة راقية ولطيفة..
    فعلا راقت لي..

    استمري..

    ..

    تقبلي فضولي..:)

  4. حياة في حقيبة امرأه, on November 25, 2009 at 10:31 AM said:

    اهلا منى

    أسعدني تواجدك

    اشكرك ... من كل القلب الابيض

Post a Comment

Subscribe to: Post Comments (Atom)