اختلاف المجتمع الغربي والشرقي ... في طريقة الزوج!!
السلام عليكم
موضوعي اليوم اعتقد ان القليل من العالم من سيتقبله ... ومن لم يتقبله ... له الحق...ولكن اتمنى ان يفهم مااقول ولا يرميني بالمساوئ جزافا ...
... كثر أقرأ بالمنتديات ومما سمعت من حديث الخلق... استنكارهم لبعض تصرفات المجتمع الغربي والذي بالمناسبة نطلق عليه بالغربي ... لأنه يقع في اقصى الغرب ...ومنها : طريقة زواج وكيف ان الاب والام يدفعان ببنتهما لايجاد رجل لتتزوجه... منا من يستنكر هذا التصرف كيف يدفعون ببناتهم لهذا العمل الشنيع وكيف لايحمل الاب فطرة الغيره .. ..انا برأيي اننا لانختلف عنهم
...ولكن الاختلاف فقط في طريقة الزواج...
فطريقتهم ... تحتم على الشاب والفتاة باختيار الزوج بنفسها ... أن تتعرف عليه عن قرب تقدمه لاسرتها ولا تبادله الحب في الظلماء
... وطريقتنا ... ان تختار ام الشاب واخوته الفتاة الانسب بحسب مواصفاته التي يعلنها وتدفع الامهات الفتيات
لذهاب الى الحفلات و زيارات الاجتماعية ... على وعسى ان يكون لها نصيب...
الاتفاق بيينا وبينهم:
ان كلا الاباء والامهات في المجتمع الغربي والشرقي ... يريدون لفتياتهم الزواج ..و انجاب الابناء .. وايجاد شخص يهتم بها
يساندها ويسيربجانبها على درب الحياة الى اخر يوم في عمرها ..
اسمحوا لي ابين وجهة نظري بالعامية:
نفس ما الام عندنا تبي بنتها تتزوج ولا " تعنس" وتبي تشوفها عروس وتتمنى تربي احفادها
وتطلب منها تكشخ وتتزين وتروح معها كل زواج وتجامل هذي وتتقرب من هذي لانه عندها شاب لزواج
وتامرها بان تجلس معها في زياارت النسائيه
ولما تجي الامهات والاخوات للخطبه لبيتها حتى يشوفون العروس اذا تناسب المواصفات او لا
تطلب منها ان تكشخ وتجلس معاهم وتضحك وتسولف وتمدحها وتدعي ان بنتها عملت كل هالاكلات
...هم نفس الشي ... الام الغربية ماتبي بنتها تجلس بدون زواج تبي تشوفها عروس وتلاعب حفيدها
بس لان طريقتهم ان الشاب لازم يختار بنفسه البنت ...عشان كذا تدفعها لتعرف على الشباب حتى تتزوج
يعني مومعقوله بتقولها كشخي وتزيني وروحي معي حفلات الزواج عشان يشوفونك امهاتهم لانه موهم الي بيختارون الامهات الشاب
هو الي بيقرر الزواج وماراح يتزوج بنت امها اختارتها له بدون مايشوفها او بدون مايعرف اذا تناسبه او لا
لو ام من امهات المجتمع الغربي ببتتبع طريقتنا كطريقه اخلاقيه ومثاليه للبنت راح تكبر بنتها وماببتزوج
وهذا الي ماتبي ام لبنتها
....... ولو كنا نعيش في مجتمع الشاب مايتزوج بنت اهو ماتعرف عليها
كنا شفنا الامهات تحرض بنتها على التعرف على شاب عشان تتزوج .... المسأله بسيطه هي اختلاف طريقة الزواج فقط
وليس لان ماعندهم اخلاق واحترام وانحلال
اتمنى تكونوا فهمتوا وجهة نظري.... انا ماقول ان احنا صح ولا اهم غلط
كل السالفه اختلاف مجتمعات واختلاف طريقة الزواج ...... والهدف واحد عند الام (بغض النظر عن مجتمعها)ان بنتها ماتعنس وتتزوج
... مو لانهم سيئين بس لان هذا طريقتهم في الزواج فهم مظطرين ان يدفعون لبناتهم للزواج بهذه الطريقه
... مثل ما احنا مظطرين ان نخلي بنتنا تكشخ وتتزين وتعرض نفسها على امهات الشباب وكل زواج تروحه عشان ان هذي طريقتنا في الزواج...
0 Response to "اختلاف المجتمع الغربي والشرقي ... في طريقة الزوج!!"
Post a Comment