ثمن تجربة شيء جديد
كل خسارات الماضي وكل فشل وكل موقف محرج اعتبرها تجربه في حياتك اضافه
درس تتعلم منها عدم التصرف مثلا بهذه الطريقه او هذه الكلمة بغير مكانها
او هذا النوع من الذوق لايناسبك ... البعض يقول ياليت سويت كذا او كيف اصبحت غبي وتصرفت بهذه الطريقه
لاتقسو على نفسك
بدون الاخفاقات في الحياه ماراح تتعلم شيء
وهذي ميزة ان مانعرف متى بنموت ومتى بنعيش
لو اخفقنا سنوات وسنوات مثلا لمدة 25 سنه في قدامنا 25 سنه او 30 سنه وربما اكثر
في فرصه لتغيير في فرصه لنجاحات جديده
واذا كان هذا اخر يوم خليني امتع نفسي باخر يوم لي في الحياه
مايسوى ومايستاهل اعذب نفسي في اخر لحظه لي بالدنيا
شيء عني:
قبل كنت دائما الوم نفسي لما اطلب طلب ماعرف محتوياته وماعرف اذا بيعجبني او لا
واقول هذا ضيعت علي فلوس يعني سعر الوجبه مثلا 30 ريال او 20 او حتى 5 او 10 ريال
بعدها فكرت وقلت لنفسي: ليش اعتبر نفسي ضيعت فلوس هذي مومضيعه
قبل ماتذوقها ماكنت اعرف هل هي حلوه او لا هل بحبها او لا
بس الان بعد تجربتها عرفت انها ماتناسبني وعرفت اني بحبها بدل ماقضي عمري
وانا اسمع بنات حبيت هالاكله وبنت لا ماتعجبني
على الاقل الان عرفت الان انه ماتناسبني وصرت اتعرف على نفسي اكثر
صرت اعرف مسبقا شنو الي بيعجبني وشنو الوجبه الي مابتعجبني
حتى لو كنت بتذوقها لأول مره...فصرت اعتبر المبلغ المدفوع
ثمن تجربة شيء جديد
0 Response to "ثمن تجربة شيء جديد"
Post a Comment